Termiz davlat universiteti Rossiya Federatsiyasining yirik oliy ta’lim muassasalaridan biri — A.G. va N.G. Stoletovlar nomidagi Vladimir davlat universiteti (VlGU) bilan ta’lim va ilmiy hamkorlikni rivojlantirib kelmoqda.
Universitet tarixi 1958-yildan boshlanadi. Bugungi kunda VlGU Vladimir viloyatining yetakchi ta’lim va ilmiy markazlaridan biri bo‘lib, 11 ta institut, ilmiy markazlar va zamonaviy ta’lim infratuzilmasiga ega. Universitetda 20 mingdan ortiq talaba tahsil oladi.
Ikki universitet o‘rtasidagi hamkorlik doirasida bakalavriat bosqichida 2+2 modeli asosida qo‘shma ta’lim dasturlari tashkil etilgan. 2026/2027-o‘quv yilida 61010100 — Turizm (faoliyat yo‘nalishlari bo‘yicha) hamda 60230100 — Filologiya va tillarni o‘qitish: rus tili ta’lim yo‘nalishlari bo‘yicha qabul amalga oshiriladi. Talabalar 2 yil Termiz davlat universitetida va keyingi 2 yil Vladimir davlat universitetida tahsil oladilar. Ta’lim kunduzgi shaklda rus tilida olib boriladi, qabul kvotasi 25 nafarni tashkil etadi.
Mazkur qo‘shma ta’lim dasturlari TerDU talabalariga xorijiy akademik muhitda tahsil olish, kasbiy va til kompetensiyalarini rivojlantirish, xalqaro tajriba orttirish hamda ikki universitetning ta’lim imkoniyatlaridan samarali foydalanish uchun sharoit yaratadi.
Kontrakt miqdori:
Qabul kvotasi: 25 nafar
Vladimir davlat universiteti rasmiy sayti: https://www.vlsu.ru/ Universitetning xalqaro rasmiy sahifasi: https://international.vlsu.ru/
